انواع الحلى سهل

انواع الحلى سهل مررة بيعجبكم شوفوهـــــــ


المقـــــــــادير
حلى البخووور روعة

2 كيسه شعيريه باكستانيه
اطحنيها بالخلاط بس مو مره شوي بس عشان تقدري تتحكمي فيها
تحمس مع ثلاثه ارباع زبده لحد ماتحمر

ا علبه حليب مركز نستله
3 حبات جبن كيري
2 ملعقه كبيره نوتيلا
1 ملعقه كبيره فول سوداني
4 اكياس بسكوت اوريو الي لونه بني مو الاسود
الطريقه

نضع في زبيديه الشعيريه بعد حمسها بعد ماتبرد في الثلاجه
ثم نضع عليها حليب المركز نستله
و3 حبات جبن كيري
2 ملعقه كبيره نوتيلا
و1 ملعقه كبيره فول سوداني
ونبدا نكورها زي المعمول حق البخور
ثم نطحن بسكوت اوريو
بعد مانفرغ الكريمه الي بوسطه
ونكور الخلطه فيها
مره رائعه وطعمها حلو........


المقادير
حلى سهـــل


6حبات بسكويت توفي لك

حبتين قشطه

علبة كيك العائله


الطريقه:

ضعي القشطه والبسكويت في الخلاط الكهربائي واتركيه حتي يتجانس

قطعي الكيك قطع مربعه ورصيها في الصينيه ثم صبي فوقها الخلطه

ضعيها في التلاجه حتى تبرد وقدميها مع القهوه


بالعافيه

حلى سهل 2


كل اللي تحتاجينه يا طويله العمر بسكوت مطحون, زبده ,قشطه و4 بسكوت جلكسي ساده من دون مكسرات ولا خرابيط

بعديين وش تسويين سهل افركي البسكوت بالزبده بس لا تكثرينها وممكن تحطين ملعقه قشطه عشان يتماسك.. تمام؟؟ وافرديها في الصينيه بشكل متساوي.. على النار ذوبي الجلكسي وحطي القشطه عليه حركيه شوي وبعدين افرديه على البسكوت ودخليه التلاجه

وبالف الف عافيه




اقدملكم شراب بعدـــــــــ حاضرين

موكابارررد ويجنن وسهل
المقادير لكوب واحد:

ظرف نسكافيه كابتشينو
أيسكريم واحد (الكاسات) شوكلاته لانه الذ
فنجال شاي حليب سائل بااااااااااااااااااااارد
ملعقه صغيره سكر بس انا افضل انكم ماتحطون

الطريقه:
نضع جميع المقاااادير في الخلاط ونخلط تتجانس المقادير ( يعني مو كثير ) وبالاخير نحط ثلج مجروش للي يحبونه بارد اكثر

نزين الكاس قبل بهيرشي شوكلاته ( يعني نسوي خطوط بالطول في الكاسه) ونصب الخليط
اذا نحب نزينه بكريمه ( الرغوه ) المتوفر لديكم
وبلديكم
وبالصحه والعااااااافيه على قلوووبكم يارب

لا تروحون بقدم شراب ثانيـــــ



عصير
الطبقات الذيذ


المقادير:

أختاري ثمار مختلفة الألوان
كيوي --فراوله --شمام--خوخ--موز
علبة دريم ويب تخلط مع علبة قشطه ونص كاس حليب



الطريقة:

أخلطي كل فاكهه على حده وأضيفي لها مقداراً من خليط الدريم ويب حتى تثخن
حضري كأس طويل وصبي الفاكهه الواحده تلوى الأخرى ويفضل أن يضاف قطرات من عصير الليمون للموز أثناء خلطه حتى لا يسود وأن يكون في طبقه متوسطه وليس على الوجه قدميه بارداً جداً


هاه عجبكم تشكيلتي الجديدة من الحلى
ياااارب تعجركم


منتديات بنات السابعة - المطبخ الاكل الطبخ اكلات و اطعمة عربية غربية شرقية ماكولات منوع